ههههههههههه

نت إية اللى إنت جاى تقول عليه
إنت عارف قبله معنى النت إية
لما تتشيت علية

حلوة صحيح

يا سلام يا عادل
ايه الحلاوة دى..بس قوللى خدت كام قلم على سهوه على النت؟
بس كلام حلو و رائع..
علاء الغندور

السلام عليكم ورحمة الله وبركاته

ايش ايش
ايه الاعتراف الخطير داوت؟؟

الموضوع خطير حقا
تناولته حضرتك في قالب كوميدي او فكاهي
بسيط ولطيف اوي

لكن انت غفلت وضع نهاية للقصة
وتقول لينا عملت ايه في الدش
عفوا بجهاز النت مصدر المتاعب
والكوارث الطبيعية داه.
رميتيه ولاسلفتوا لحد من العيلة؟

ايمان
انا انضحك عليا فى النت ووقعت فى غرام بنت مش وقعت من البلكونة واقعة تختلف عن واقعة.
ماشى ياأم كلثوم النت
عادل نجم

ياحاج علاء
خلى الطابق مستور .يعنى الواحد مايعرفش يقولكم كلمة سر على النت
دى كانت اول واخر مرة.
عادل نجم

الصديق الحبيبة/لطيفة
نهاية القصة هتكون اية . دش بارد اخدتة فوق دماغى والجهاز مازال عندى الاانى ماذلت اتوجس منة وبصراحة كدة انا بقيت مدمن نت بس لو الحكاية دى اتكررت هاسلق الجهاز واعمل علية شوربة
كوارع وهاارسل ليكى طبق فتة منها.علشان تجربوا اللى حصل لى.
اشكرك على تشريفك مدونتى ولكى منى كل التقدير والاعزاز.
عادل نجم

عادل نجم باشا
صديقي العزيز
كل نت وانت طيب .. وتعيش وتاخد غيرها
عموما بحر النت غويط ..
تلاقي مرة ابو النطيط
ومرة تلاقي ولد حويط
وبنت تقول للواد يا عبيط
رطرط رص .. طل وبص
لكن اوعى لروحك بس
اقولك احسن :
كلك واحدة خس
وتعيش خالي من غير مس
نت جنون
قلب حنون
لكن كذب
قول الحق
هترجع تاني
ولا تتوب وتقول بس؟؟؟
======
عزيزى عادل .. أضحكتنى كثيرا حينما تجرأت وكتبت هذه الهزلية النتية التى تفضح عاشقي الشات

لك تحياتي وتقديري

هههههههه
والله ضحكتنى نبيلة بكلامها اللذيذ دة هههههه

وبعدين هو الواحد مايعرفش يقولكم على حاجة أبدآ يا ساتر هههههه
ماشى يا حاج من البلكونة بس بمزاجى
هههههه محدش ضحك عليٌ وقعة عن واقعة تفرق هههه
أشوفك فى إسكندرية إن شاء الله فى اللقاء الجاى .

انا ع النت ح اقولك حاجه
اوعه ياصحبي تعمله عاده
اصله بيقلب لحاجات سوده
ابعد عنه
اخلص منه
دابغيد عنه تعيش في سعاده
ــــــــــــــ
بيني وبين يا عم عادل
وقعة البلكونه اسهل

النبيلة
الحكاية دى بتحصل مع معظم ابنائنا وعلشان كدة انا كتبتها لعل وعسى يتعظوا وضرورى فية شباب مر بالتجربة دى وانا قرأت عن اشياء مشابهة للكلام دة فى بعض المدونات .اتمنى ان تكون هذة الشخبطات ملفتة لابنائنا . وبعدين واللة انا فعلا مدمن خس مين اللى قال لك
لو عملت شوربة على جهازى هاارسل لكى طبق فتة بكوارع النت
لسانك حلو وجميل حتى فى الكوميديا .ربنا يخليكى لنا بنبل اخلاقك.
عادل نجم

ايمان ام سبع ارواح
عجبتك قوى الحكاية ونازلة ضحك .طيب ياستى واللة دى ماحصلت معايا دى من محصلة قرأتى فى المدونات وباشوف بعض الشباب بيعيشوا الحكاية دى قلت انصحهم
وبعدين هو على ايامنا كان فية نت ولا يحزنون دة يادوب كان راديو بحجم الدولاب
لو النت دة كان موجود على ايامنا كنت سويت الهوايل وكان زمان الحريم واقفين طوابير علشان ارد عليهم. لكن حظى كدة يطلع النت بعد ماسلمت النمر وسحبوا الرخصة .اللهم لاشماتة انتى ماصدقتى وهات ياشماتة. مسير الحى يتلاقى.
عادل نجم

ياعم النعمانى
انت معاهم عليا ولا اية ولا انت دايما بتيجى مع المكسورين واللى واقعين من البلكونات طيب اقف مع صاحبك دة احنا ستر وغطاء ولا انتم ما صدقتوا ونازلين تقطيع فى فروتى .اشوفك فى الاجتماع يانعمانى .الرجا انك ترسل الدعوة الجميلة اللى فى مدونتك لكل المدونات وانا بكرة هارسلها لبعض الاخوة فى مكتوب وبلوجز عايزنها حفلة صح .
اشكرك ياأبوحنفى على زيارتك اللذيذة دى وربنا يقدرنا على ردها.
عادل نجم

وحياة كل غالي عندك ما تبعت لي شوربة النت دى .. احسن أنا بقيت إنسانه بمنقوع النت .. لدرجة انى عايزة اروح لدكتور نفساني يخلصنى من المرض النتاوى اللذيذ..
إدمان يا ابو النجوم بعيد عنك..
انا عارفة انه مش بعيد عنك ولا حاجة .. كلنا في النت سوا هوا..
انتظر اللقاء بالاسكندرية.. واتوقع انه سيكون من اجمل اللقاءات
لأن روح جميلة مرحة تسود بيننا .. وهذا ما نتمناه..
لك تحياتي

حلوة منك اخي العزيز...والله ضحكت كثيرا وكنت محتاج فعلا لشيئ يريحني...كتبتها بطريقة لديدة جدا وقرأتها مرات متعددة..
تحياتي لك

برعاية مدوني جيران
الدعوة عامه لجميع مدوني مصر لحضور
اللقاء السادس بالاسكندريه
يوم الجمعة 17/8/2007
الساعة العاشرة صباحا بفندق المحروسة للقوات المسلحة
طريق الجيش (البحر)
http://elnomany.jeeran.com/archive/2007/7/279017.html

النبيلة
انا هاتحسد تعليقين منك على موضوع واحد
النت بالنسبة لنا بقى حياة تانيةوبينى وبيتك دى اللحظات اللى الواحد فيها بيكون على طبيعتة بدون تكلف او اقنعة وزى ماقلتى ادمان لذيذ .وبعدين الروح الحلوة اللى بين المدونين الايام دى بيستمدوها من روحك النبيلة وطبيعتك المحبة للخير وياريت يكون عندنا سبعين مليون نبيلة فى مصر كانت الحياة بقت حلوة. ربنا يخليكى بذوقك بس لازم تدوقى شوربة النت دى مخصوص للمدونين .
سعدت بوجودك بين احضان مدونتى
عادل نجم

الشاعر العظيم/امين
سعدت جدا بحلولك قارئا لكلماتى واحمد اللة انها نالت استحسانك واضحكتك وسعدت لانى قد استطعت ان ابعث بعضا من السرور الى قسماتك وان تخرج للحظات بعيدا عن حالتك النفسية التى تعيشها
سعدت بوجودك بين جنبات مدونتى
عادل نجم

الاخ عادل نجم
اول مرة اعلق عندك بموضوع ظريف كهذا تناولته بروحك المرحة الجميلة لعلها توقظ الشباب من غفوتهم على النت واحلامهم بالاوهام التي تضيع عمرهم وعقولهم دون فائدة
بس لاتنسى حصتي من صحن الشوربة لكن خليها بالعدس اصلي لا احب الكوارع واللسانات
بستناك لاتنسى الشوربة معاك

العزيز أبو النجوم
الشات لو استخدم لمكالمة أناس لا نعرفهم يصبح مجرد أوهام فى أوهام.
لكن لو استخدم بدلا من التليفون لمخاطبة الأصدقاء والمعارف، فهو شىء عظيم، وبالذات لو كان الاصدقاء فى دول أخرى.
وأنا أعشق أى شىء يرحمنا من الفاتورة الجزافية للتليفون.
وبالنسبة للزجل. جميل جدا ودمه خفيف

حقيقى رائع ، بغير من سلاسة كلماتك وتعبيراتك ، منين الجمال دا ؟، موهبه بس ؟؟!ولا اطلاع وقراءة ، ياريت تدلنى على الطريق بصفه عامه وليست العاميه بصفه خاصة ..

http://noormohamed.jeeran.com/archive/2007/7/280348.html

تسلم يا حاج نعمانى
هههههه
شوفت بقى يا عم نجم إن وقعة البلكونة أرحم الله يكون فى عونك
بقى النعمانى مع المكسورين واللى واقعين من البلكونة ماشى ماشى
عمومآ إحنا صحيح وقعنا من البلكونة لكن ما إتكسرناش الحمد لله
فينك يا صاوى تلحقلك طبق شوربة كوارع أبو النجوم هههههه أظن اللى يشربها مهما وقع مش ممكن يتكسر

عادل

بصراحة غلبان يا فلاح
ماهو ما يقع الا الشاطر اللي بيجري ورا المـِلاح
اهي هاصت وباظت وطلعت لعبة صـُغار
لعبها عـَيل لكن وقع فيها الكبار

تحياتي لك
بصراحة
دمها خفيف قوي

بوب يقتحم برنامج حوار مع مدون ويفرق كل المساهمين

سيدتى/ملكة جيران بلا منازع
لو علمنا بقدومك لمدونتنا البسيطة لفرشنا السجاجيد الحمر ولنثرنا فى ارجائها ارقى انواع الطيوب من مسك وعنبر واعلناها اجازة رسمية لنكون فى شرف استقبالك.
اماعن الشوربة سيدتى فانتى لك الامر وعلينا الطاعة وتقديم فروض الولاء. ولو امرتنى لوجدتيها بين يديك فى التو واللحظة.
سعدت بك وبتعبيراتك السامية فى مدونتى المتواضعة.
عادل نجم

نور الجميلة
دائما مايغلبنى الشباب بثورتهم واندفاعهم انما انتى تغلبينى بروحك المرحة والفاظك العذبة وسلاسة المعانى فى كلماتك.اما عن كتابة الشعر عامة والعامية خاصة فاول الخطوات هى الموهبة وبعدها تاتى الحصيلة اللغوية وهذة تاتى من القراءة فى كل الاتجاهات ثم الحساسية تجاة محيطك اى تكون عندك رؤية ترين بها مالا يراة غيرك وتنقلين احساسك باللحظة الى من حرمهم اللة بصيرة الشاعر
والذى يميز شاعر عن الاخر هو القدرة على الرؤية والاحساس والتعبير ثم بعد كل ذلك هناك جانب حرفى يتكون لديك من ممارسة حرفة الكتابة .واكتبى ماتشعرين بة مرة ومرات ومزقى ماكتبتى واعيدى كتابتة وفى النهاية سأجدنى امام شاعرة عظيمة .
سعدت بزيارتك وتشريفك لمدونتى واتمنى مزيدا من التواصل بين افكارنا.
عادل نجم

عبير الورد
تنسمت عطر كلماتك قبل ان اقرئها وفرحت لوجودك فى دروب مدونتى المتواضعة
ماكتبتة نتاج مااسمعة من ابنى واصدقائة
وكثير من شبابنا مر بهذة التجربة وكتبتها حتى تكون جرس ينذر شبابنا بخطورة ادمان النت والوقوع فى براثن الاوهام العاطفية على النت.
اما ان تحولين النت الى تليفون فهذا ذكاء منك وليس بجديد عليكى .اما ان تشتكى من الفواتير فهذا مالم اتوقعة فالنساء اكثر المستخدمين للتليفون واسالينى انا عن تجربة فانا اعانى الامرين من فواتير العادة والمحمول وكلها من رغى الستات .تصورى انى قد وجدت زوجتى تكلم اختها فى المباشر والاثنين يقومون بطبخة معينة وتصورى الوقت الذى تستغرقة عملية الطبخ وادفع ياابو النجوم .منكم للة .
شرفتى مدونتى فزادت اشراقا بعبيرك
عادل نجم

ايمان اللى ماوقعتش من البلكونة
اللهم لاشماتة اللهم لاشماتة
انتى ماصدقتى وهات ياشماتة .اولا انا ماحصلش معايا حاجة من دى ودى من تجارب الاخرين ومن محصلة ماسمعت من الشباب الصغير وكتبتها للتوعية ليس الا .
اما عن الشوربة فدى بعينك انتى بالذات مش هتدوقيها .شوربة النت تخليك فت
وشوربة الحاج محمود بتجنن القرود
بس لما اشوفك فى الاجتماع .
عادل نجم

منال العزيزة
ياريت الواحد منا كان لة قلبين
قلب يحس بة الكلام الزين
وقلب ينبض بحب الناس الصادقين
وانتى منهم واسمك يامنال فى نن العين
شمس ساطعة وحس وافى وقلب دافى
ونور ينور فوق الجبين

سعدت بك وفرحت بقدومك الى مدونتى فلا تحرمينا السعادة والفرح
عادل نجم

اخى /وحيد
زرتك وتركت تعليقى فى مدونتك اتمنى ان تقرأة
عادل نجم

الاستاذ عادل نجم تعيش وتاخد غيرها ما الاستاذ الصاوي كتب مقال عن الموضوع هذا وبعدين مش عيب لما واحد بشارب يضحك على واحد بشارب ياعيب الشوم

اخر من يعلم عن لقاء الاسكندرية هم المدونون السكندريون
كل اللي في الكافيتيريا قاعدين يتكلموا في الخبر
الحق كرسي !
http://onfire.jeeran.com/archive/2007/8/281943.html

عزيزى المفكر
تفتكر ان فية حاجة من دى حصلت .دى كلمات علشان الشباب ياخدوا حذرهم من النت وادمانة واما عن انها حصلت معى لا واللة .انا عندى خمسين سنة ولسة عايزنى احب على النت ياراجل طيب فين البت اللى تحب راجل عجوز وبعدين انا متزوج من 22 سنة يعنى لو الحكومة عندى سمعت الكلام دة هتبقى واقعتى سودة .خلى الطابق مستور يامفكرنا .
عادل نجم

هههههههههههههههههههه

لاجئ سياسي

طالب لجوء سياسي
للناس وللمكان
وبقول والله زمان
كانت بلادنا نضيفة
والورد على الجدران
يرقص لنسمة رقيقة
والقلة والفنجان
كانت شوارعنا هادية
واحة أمن وأمان
وما فيش لاحجر صحي
ولا سل ولا دخان
ومين يقول للأسطة
يحافظ على الودان
يكون حكيم فنان
الله على أم سيد
حكايتها حكاية كمان
عملت محشي بتنجان
ورمت لي مخلفاته
في الشارع للجيران
وكأنها عاملة حفلة
لعيد ميلاد فيران
ونقول فين الحكومة
تنضف المكان
والله الحكومة مظلومة
زي الناس والجيران
ونبص نلاقي مطرب
بيغني للحمار

ياسلام لو يوم يغني
مرة لديل الحصان
ده تلوث سمعي لازم تتظاهر له الودان
يلا انضف بلادنا
علشان سلام ولادنا
وكرامة الأوطان

خلي بقى النت تشوف أم سيد

مجانينوووووووووووووووو
انا هاروح مدونتك وارد عليكى فيها
واللى يحب يسمع يشرفنا هناك.
عادل نجم