كلامXكلام
-------------------------------
فى المحله عملوا فله
وهتفوا يالله
يسقط فلان
ويعيش فلان
فزودوا لهم الماهيه
-------
ماالأكل غالى
والسعر عالى
-------
الحكمدار
طب وأنا مالى
الاوامر لما تصدر
لازم تنفذ
واللى يغلط لازم يؤدب
أى واحد فيكوا عاب
ولا غاب
ولا ناوى يقول اضراب
مش هنسكت
مش هنصمت
مش هيكون له رد جواب
فى المظاهره عساكرنا ياما
عساكر بهايم
بيضربوا اللى صاحى
واللى نايم
واللى قايم
واللى هايم
وآى حد هيعين براسه
هياكل مداسه
وفى بيته حتى
هنطخ راسه
إن مات فى داهيه
وإن عاش له داهيه
تهمنا جاهزه
ممكن شيوعى
إرهاب منظم
أو أنه قاعده
وخدها قاعده
معانا تكسب
حياه كريمه
تعادينا تاكل
بالقديمه
--------------------
.
.
الجمعة, 25 يوليو, 2008
أضف تعليقا
اضيف في 26 يوليو, 2008 05:06 م , من قبل سارة بندارى
من مصر
من مصر
سلمت اناملكم على تلك الكلمات
جزاك الله خيرا استاذ عادل
اضيف في 27 يوليو, 2008 03:30 م , من قبل onfire
من النرويج
من النرويج
آخر جزء من أهزوجتك راااائع
ملحوظة : وحيات أمي لو اتمسكت ما حد هيعرفك ...
هههههههه
دمت شجاع
اضيف في 27 يوليو, 2008 04:42 م , من قبل Nosha
من مصر
من مصر
وصف حقيقي وطبيعي لحالنا دلوقتي واللي لسه هيكون أوسخ وأفظع بعد كام سنة
يسلم قلمك وكتاباتك ودماغك يا أبو النجوم
وربنا يرحمنا وياخد كل فاسد وظالم في بلدنا دي
تحياتي ليك يا أبو النجوم
اضيف في 29 يوليو, 2008 10:49 م , من قبل emyemyemy
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين" !
اضيف في 29 يوليو, 2008 10:49 م , من قبل emyemyemy
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين" !
اضيف في 30 يوليو, 2008 03:46 م , من قبل إيمان حسان
شوفت قد إية نزاهة القضاء المصرى
ممدوح إسماعيل طلع براءة
مش ناوى تعترف بقى بأنك إنت اللى غرقتها يا لطفى
قانون صناعة مصرية
صحيح الأصل فرنسى
لكن التقفيل مصرى
سلامى لنزاهة القضاء فى مصر والحكومة المصرية
اضيف في 31 يوليو, 2008 09:27 م , من قبل ahmed1940
من مصر
من مصر
ارجوك يانجم بلاش الكلام ده..
انت كده هتعملى مشكلة..
طيب الحلاوة ونقدر عليها..
لكن العيش هجبهولك منين؟؟
انا مش حمل طوابير..
اضيف في 03 اغسطس, 2008 10:40 ص , من قبل وردة
حلاوة و عيش ..
الاتنين صعبين ..اختر وحدة ...
.......
وردة
اضيف في 04 اغسطس, 2008 05:11 م , من قبل ngoom57
من مصر
من مصر
العزيزه ساره (المحظوره)
سعيد بوجودك فى مدونتى وسعيد بكلماتك واسعد جدا بمواقفك النبيله واحساسك العالى بالانتماء رغم اختلاف التوجهات انما هناك مايجمعنا دائما وهو وطنيتنا وحبنا لمصر.
اضيف في 04 اغسطس, 2008 05:19 م , من قبل ngoom57
من مصر
من مصر
ابوشوشه
اولا سلامى للوالده وبلاش تحلف يها لانى لو اتمسكت هتكون اول واحد واقف جنبى لانك اسكندرانى جدع والصنف باابيعه على كافتيريا ابو شوشه يعنى لازم ياخدو صاحب الكافتيريا معانا.
وحشتنى ومشتاقون للقاء الاحبه .
اضيف في 04 اغسطس, 2008 05:21 م , من قبل ngoom57
من مصر
من مصر
نعمانى
عيش ندل تموت مستور
وبعدين ده انت العمده وكلنا محاسيبك
اضيف في 04 اغسطس, 2008 05:41 م , من قبل ngoom57
من مصر
من مصر
ايمان
النكته السياسيه اختراع مصرى والنكته دايما بتكون على الجرح وهى سلاح من اسلحه المصريين لان السخريه من الظالم بتجعله قزم وانا عارف اننا هنتحبس بسببك لكن عموما انا حاجز الغرفه اللى جنبك فى ابو زعبل بس الغرفه اللى بتطل على البحر. تحياتى يااجدع بنوته اسكندريه .
اضيف في 04 اغسطس, 2008 05:44 م , من قبل ngoom57
من مصر
من مصر
ايمان
قعدنا نقول القضاء المصرى شريف ونزيه لحد مالحكومه حطته فى دماغها وادى اخرتها لابقى عندنا قضاء ولا شريف ولا نزيه علشان تتبسطوا انتم واللى بيقولوا نزيه وشريف وسلم لى على زكريا بيقول.
اضيف في 04 اغسطس, 2008 06:03 م , من قبل ngoom57
من مصر
من مصر
عمنا احمد عبد الغفار
انا لابحب الحلاوه ولا الطعميه انا بااموت فى الكباب . ولو مفيش عيش هات بسكويت
اضيف في 04 اغسطس, 2008 06:07 م , من قبل ngoom57
من مصر
من مصر
ورده
يكفينى عطرك الفواح يملأ جنبات مدونتى المتواضعه .
اضيف في 04 اغسطس, 2008 06:27 م , من قبل ngoom57
من مصر
من مصر
الاستاذ/ محمد الجرايحى
الجراح موجوده من زمن بعيد وتحتاج الى جراح ماهر لمعالجه الواقع المؤلم الذى نعيشه . ونحن عاجزون الا عن بعض الكلمات ننفث فيها عن الالامنا واحزاننا فهل هذا بكثير علينا
سعدت بوجودك فى مدونتى بعد طول انتظار لمبضعك الجرىء واشكرك على الزياره واتمنى التواصل بيننا...
اضيف في 04 اغسطس, 2008 06:33 م , من قبل محمد الجرايحى
من مصر
من مصر
نعم أخى الكريم
نحن لم نعد نملك سوى الكلام ..ولعل وعسى
أخى : أشكرلك كلماتك الطيبة ومشاعرك الكريمة وأنا يشرفنى التواصل مع شخصك الكريم..ويسعدنى دائماً أن أكون ضيفاً على مدونتك المتميزة
تقبل تقديرى واحترامى
أخوك
محمد
أضف تعليقا
<<الصفحة الرئيسية
.
.
من مصر
الله كلامك حلو اوى
تسلم