الأنسان: تفييص

تفييص وتهجيص

لازم ثوره تقوم فى بلدنا
عايزين بكره يكون لولادنا
اصل الحاله بجد بجد
خرجت من ايدنا
مصر بلدنا
مابقتش بلدنا
بحس بغربه من اللى بيحصل
والامراض فى بلدنا استعصت
بس سكوتنا
هيسبب موتنا
يخلى الظالم
يزيد من ظلمه
لازم ثوره
تهز العالم
تصحى النايم
تقول للعالم
مصر بلدنا
ثوره بجد
ثوره شعب
ضد القهر
والاستبداد
ضد الغلب
والاستعباد
وأن مصيرنا
يبقى فى ايدنا
وكل السلطه
فى أيد الشعب
لازم الظالم نهد عروشه
وأما عصابته
نولع فيها
آه نحرقها
آه نفرقها
لازم نعرف ايه بلاويها
لما حاميها
يكون حراميها
واما القط يحب الفار
واما الدنيا تصبح غابه
والحراميه يبقوا نيابه
والانبيا يبقوا كفار
لازم ثوره
تهز العالم
تصحى النايم
تقول للعالم
مصر بلدنا